TALAGA SANGIANG, TA SANGIANG TALAGA?

Tatang M. Amirin; 1 Oktober 2010

Karajaan Talaga teh aya nu nyebut Karajaan Talaga Manggung. Padahal Talaga Manggung teh jujuluk salah sahiji rajana (Prabu Darmasuci II), lain ngaran karajaanana.

Keun lah, eta mah, hancaeun tulisan jeung bahasan engke. Ieu mah aya kapanasaran wae ku ngaran Situ Sangiang jeung ngaran Karajaan Talaga.

Ngaran karajaan teh disebut Karajaan Talaga, lain Talaga Manggung, oge lain karajaan Sangiang, da kasebut ku “nu kungsi nyaksian sorangan” ayana karajaan Talaga, nyaeta Prabu Jaya Pakuan alias Bujangga Manik (dina Wawacan Bujangga Manik), mangsa Karajaan Talaga puseur dayeuhna Walangsuji (Mangga aos seratanana dina judul nu sanes!).

Naon sababna eta karajaan disebut Karajaan Talaga? Cenah ku sabab ayana deukeut  hiji talaga nu ayeuna disebut Situ Sangiang. Tah, palebah disebut Situ (Talaga)  Sangiang teh jol bae aya rasa kapanasaran ku sabab manggih tulisan “sarupa” nu ayana na batutulis bogor (prasasti Batutulis).

Kieu unina eta prasasti nu masyhur teh apan (nu ditulis kandel nu rek dibahas):

  • Wangna pun ini sakakala, prebu ratu purane pun,
  • diwastu diya wingaran prebu guru dewataprana
  • di wastu diya wingaran sri baduga maharaja ratu haji di pakwan pajajaran seri sang ratu dewata
  • pun ya nu nyusuk na pakwan
  • diva anak rahyang dewa niskala sa(ng) sida mokta dimguna tiga i(n) cu rahyang niskala-niskala wastu ka(n) cana sa(ng) sida mokta ka nusalarang
  • ya siya ni nyiyan sakakala gugunungan ngabalay nyiyan samida, nyiyan sa(ng)h yang talaga rena mahawijaya, ya siya, o o i saka, panca pandawa e(m) ban bumi.

Hartina teh kieu:

Mugi salamet! (Mun ayeuna mah “assalamu alaykum,” kitu). Ieu teh tanda panginget, (keur) prebu ratu nu tos pupus, anu kantos anjeunna teh diangkat (janten ratu) nganggo jujuluk Prebu Guru Dewataprana. Anu kantos (oge) diangkat janten ratu anu nganggo jujuluk Sri Baduga Maharaja Ratu Haji di Pakwan Pajajaran Seri Sang Ratu Dewata. Dia (anjeunna) teh putrana Rahyang Dewa Niskala anu kumureb di Guna Tiga, incuna Rahyang Niskala-Niskala Wastu Kancana anu dikurebkeun ka Nusalarang. Nya siya (anjeunna) anu ngadamel sasakala gugunungan, ngabalay (ngadamel jalan batu), ngadamel samida (leuweung larangan), [sareng} ngadamel Sa(ng)hyang Talaga Rena Mahawijaya. Nya siya (anjeunna ) nu ngamel sadayana dina tahun Saka “Panca Pandawa E(m)ban Bumi” (5541 = 1455 Saka + 78 = 1533M.)

Tah palebah nyebut ngaran talaga (situ, dano) make ngaran Sanghiyang (Sangiang) Talaga Rena Mahawijaya (Rena= rana = perang; mahawijaya = maha unggul) kapikir weh naha ari Situ Sangiang di Talaga, Majalengka teh teu make tambahan nanaon, ukur Sangiang bae? Naon atuh ari “sangiang (sanghiyang)” teh?

Tah ieu penjelasan ahli sajarah ngeunaan  naon sababna “Talaga Rena Mahawijaya” (nu tuluy jadi Rancamaya–nu kasebut na sababaraha “wawacan”) make disebut Sanghiyang Rancamaya (nurutkeun Edy S. Ekajati). Warta sesebutan “Rancamaya” teh kieu:

1. Ndeh nihan tembey. SangResi Guru miseuweukeun Sang Haliwungan, inya Sang Susuktunggal munarna Pakwan reujeung Sanghiyang Haluwesi nu nyaeuran Sanghyang Rancamaya.

2. Mijilna ti Sanghiyang Ranca­maya: Ngaran bila ta Sang Udu­basu, Sang Pulunggana, Sang Suru­gana, ratu hiyang banaspati. (Atja, 1968: 29).

Hartina (nurutkeun Ekajati):

Inilah permulaannya! Sang Resi Guru berputra Sang Haliwungan, yaitu Sang Susuktunggal yang memperbaharui Pakuan dan Sanghyang Haluwesi yang menimbuni Sanghyang Ran­camaya.

(2) Dari Sanghyang Ran­camaya ada yang muncul: “Nama kami Sang Udubasu, Sang Pulunggana, Sang Surugana, pemimpin penjaga hutan.”

Ceuk Ekajati sesebutan sanghiyang teh ngandung makna kieu:

Sanghiyang Haluwesi adalah adik Sang Susuktunggal atau Paman Sri Baduga Maharaja. De­ngan disebutkan gelar Sanghiyang, menunjukkan tokoh ini seorang yang dianggap keramat. Mungkin dia seorang pemimpin agama. Begitu pula sebutan Sanghiyang pada nama tempat Rancamaya, me­nunjukkan bahwa tempat tersebut nyatu dengan Hiyang, Tuhan, dan dipandang sebagai tempat suci. Hal itu diperkuat oleh tiga tokoh makhluk halus (dedemit, dalam bahasa Sunda) penjaga hutan (banaspati) yang muncul dari tempat tersebut bemama Sang Udubasu, Sang Pulunggana, dan Sang Surugana.

Tah, kacindekanana, kecap “sangiang (sanghiyang)” teh sakuduna lain kecap tunggal (kecap nyorangan), tapi kecap “panganteur” ka sesebutan nu aya tukangeunana. Jiga lamun dina bahasa Indonesia mah kecap “tata” teh lain kecap tunggal nu nyorangan, tapi kudu ngantet ka nu aya tukangeunana, contona “tatausaha, tatapraja, tatatertib, tatakrama, tatasusila” (lain tata usaha, tata praja, tata tertib, tat krama, tata susila).

Jadi, Situ Sangiang (Sanghiyang) teh pasti tadina (kuduna) aya terusanana, lain ukur Sangiang bae. Tah meureun tadina mah sesebutanana teh “Sangiang (Sanghiyang) Talaga.” Ngan ngaran talagana sorangan (talaga naon; jiga talaga Rena Mahawijaya) teu disebutkeun, atawa teu diaranan, atawa geus teu kasebut-sebut. Jadi, “Sanghiyang Talaga” teh tempat (talaga) nu dianggap suci, nu “deukeut ka Hyang (Dewa, Tuhan)”.

Heup heula. Ari Karajaan Talaga teh karajaan Hindu ta Budha. Umumna sesebutan “hyang” teh ka “dewa-dewi” Hindu. Padahal, ceuk sakaol Talaga teh karajaan Buda, lain Hindu. Aya oge nu ngagabungkeun jadi karajaan Hindu-Budha.Tah ieu conto tulisan nu nyebutkeun Talaga teh “karajaan Budha”:

Di sekitar tempat inilah Kerajaan Talaga pernah berdiri. Terbentuknya Kerajaan Talaga diawali dengan berdirinya sebuah padepokan agama Budha (± 1371 M) yang bernama padepokan Sarwastiwada (ajaran Budha Mahayana yang menitik beratkan pada ajaran puji-pujian pada Sidarta Gautama). Padepokan ini berada di daerah Gunung Bitung, sebuah daerah yang berada di Desa Wangkelang Kecamatan Cingambul Kab. Majalengka. Padepokan Sarwastiwada dibina oleh Sang Sudayasha, ia adalah salah seorang putra dari Sang Suryadewata yang merupakan keturunan dari Prabu Ajiguna Linggawisesa dan Ratu Uma Lestari dari Kerajaan Galuh.

Tah ieu mah nyebutkeunana teh karajaan Hindu-Budha, bari nyebutkeun ngaran karajaanana teh Karajaan Talaga Manggung:

Begitulah nasib Talaga Manggung. Kerajaan tua di lembah Gunung Ciremai. Pada masanya, Talaga Manggung cukup termasyhur. Orang-orang, dari Thailand, Campa (Kamboja) dan Malaysia, berdatangan.

Yang lebih membanggakan, Talaga Manggung dirintis dari padepokan pendidikan (peguron), bukan representasi politik [Soal ieu mah kuring moal komentar!] . Pada masa keemasan, orang berdatangan ke kerajaan Hindu-Buddha ini untuk belajar atau memperdalam ilmu. Tedja Sukmana (72), tokoh Majalengka mantan anggota DPRD 1999-2004, mengemukakan kemasyhuran itu. Talaga Manggung berawal dari padepokan di Banjaran [Lain Cikijing?], di Gunung Bitung Talaga [perbaytasan Cikijing-Kawali!?] oleh Rakaian Sudayasa dengan penerusnya Dewa Niskala. Kitab Siksa Kandang Karsiyan (586 M [?]) menuliskan keberadaan Talaga Manggung. Begitu pula kitab Waruga Jagat (Purwaka Caruban Nagari tahun 1720 M). “Sampai tahun 1692 masih ada kerajaan [T]itu,” ujar Tedja.

Tah nu ieu mah (meunang nyutat bari terus pacutat-cutat bari sakapeung teu diedit) nyebutkeunana teh karajaan Hindu:

ZAMAN HINDU

1. Kerajaan Hindu di Talaga

a. Pemerintahan Batara Gunung Picung

Kerajaan Hindu di Talaga berdiri pada abad XIII Masehi, Raja [Kerajaan?–rajanya mana?] tersebut masih keturunan Ratu Galuh [yang] bertahta di Ciamis, beliau (kerajaan? rajanya mana???] adalah putera V [siapa dari siapa?], juga ada hubungan darah dengan raja-raja [raja apa raja-raja?] di Pajajaran atau dikenal dengan Raja Siliwangi. Daerah kekuasaannya meliputi Talaga, Cikijing, Bantarujeg, Lemahsugih, Maja dan sebagian Selatan Majalengka [sekarang—dulu tidak tahu namanya apa!–Nu Nyutat]. Pemerintahan Batara Gunung Picung sangat baik, agama yang dipeluk rakyat kerajaan ini adalah agama Hindu.

Ulak-ilik, lurak-lirik, horeng na agama Budha ge sesebutan “hyang” teh aya. Ieu ecesna ti sumber “majlis Budha” sorangan:

MAHA PARINIBBANA HYANG BUDDHA

parinibbana

Setelah berjuang tanpa mengenal lelah selama empat puluh lima tahun berkelana mengajarkan Dhamma, pada usia delapan puluh tahun Hyang Buddha parinibbana (meninggal) di bawah pohon Sala kembar di Kusinara, pada tahun 543 SM.

Heup! Tah Budha teh maotna handapeun dua tangkal sala (“Saladua,” jiga “Buahdua”; nu matak aya Salatiga di Jawa Tengah jeung Salamangu di Maja]. Gambar tangkal sala teh tah kawas di luhur, hanjakal kurangt eces, nya!

Mangga ah, sakitu wae ngeunaan Situ “Sang(h)iang Talaga” teh. Sugan aya “batutu;lis” atawa “prasati” naon wae nu nuduhkeun aya sesebutan “Sanghiyang Talaga ….” di Karajaan Talaga, nu matak disebut karajaan Talaga oge! Nu pasti, lain Talaga Manggung. Naha sesebutan Prabu Darmasuci II teh Talaga Manggung? Manggung di mana? Naonna nu “manggung” teh. Mun di Jawa mah nu sok “manggung” teh “perkutut (kutut),” nu matak aya ucap “kutut manggung.” Ke urang bahas. Insyaallah.

2 thoughts on “TALAGA SANGIANG, TA SANGIANG TALAGA?

  1. Bade naros tapi diluar tema pak, aya saurna ceunah dihandapeun alun alun Talaga teh aya sungai bawah tanah,ngagorowong..upami nuju simpe mah saurna teh tiasa didangukeun aliran caina teh. Manawi aya catetanna di pak Tatang, Nuhun pisan..

    • Teu acan mendakan literatur aya sungai bawah tanah di Talaga mah. Tapi tidak mustahil da apan kalebet “patahan baribis.” Waktos erupsi Merapi, di daerah Prambanan teh, di handapeun tanah, jiga aya cai ngagolontor, cenah. Di Gunung Kidul mah komo, da seueur pisan.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s