LEGOK OWEW, TEGAL CAWET: Rada araneh tah ngaran

Tatang M. Amirin; 6 September 2010

LEGOK OWEW teh ngaran salah sahiji patempatan nu ayana di antara desa Maja jeung desa Cikedung, handapeun Pasir Dogdog. Disebut “legok” teh geus tangtu ku sabab tanahna legok, aya dina lelegokna pasir nu ngurilinganana. Naha eta legok teh disebut legok owew, teu acan puguh raratanana. Ceuk nu heureuy mah da eta di legok eta teh sok aya nu “owew-owew” bari nyerengehkeun sungutna nu rubak. Awewe, jurig. Wewe tea meureun, nya. Jadi weh disebut Legok Owew. “Legok Wewe,” meureun, nya!

Tapi ke heula. Eta patempatan teh deukeut pisan ka kampung nu baheulana disebut Babakan Jawa. Ayeuna kasebut Blok Jumaah, kaasup desa Maja Kaler (“Jackcall”), sanggeus desa Maja dibagi dua, Maja Kidul (“Jackkid”) jeung Maja Kaler. Disebut Babakan Jawa teh ku sabab lembur eta baheulana dibabak (dibuka) ku urang Jawa ti Palimanan, Cirebon. Di lembur eta teh loba pisan urang Jawa nu sapopoe oge make basa Jawa (Cirebonan) ngaromongna teh. Pan sok aya babalagonjakan Jawa-Sunda “Wis mangan darurung?”

Ku kituna munasabah, moal piheraneun, mun aya aran-aran make basa Jawa campuran Sunda. Enya ngaran walungan Cibuni dijawakeun jadi Cirungkut (mun Di Surabaya mah disebut kali Rungkut–ku nu sok make basa Sunda diobah jadi Cirumput–basa Sunda ngindonesia). Aya deui ngaran lembur nu make basa Jawa Sunda, nyaeta Cikedung. Na basa Sunda asli mah teu aya kecap kedung teh. Aya oge sedong atawa sesedong, atawa leuwi. Desa Cikedung, deukeut Pasanggrahan, teh pasti disebut kitu ku sabab di dinya aya “kedung” (sedong, leuwi), bagian walungan nu jero jeung, biasana, hieum, buni, atawa “rungkut.” Ku urang Babakan Jawa disebut Cikedung.

Tah Legok Owew teh pan deukeutna ka Babakan Jawa Maja jeung Cikedung. Ku urang Sunda asli Maja eta legok teh aya kamungkinan disebut Legok Hoe, da loba tangkal hoe di dinya. Kecap hoe na basa Jawa teu aya, aya ge penjalin (diserepsundakeun jadi panjalin), rotan tea ceuk basa Indonesiana mah (Inggrisna “rattan”). Jadi, di eta legok teh baheulana aya kamungkinan loba tangkal hoe (rotan, penjalin), nu matak disebut Legok Hoe. Urang Jawa susaheun nyebut hoe teh, jiga nyebut “huut” sok jadi “uut.” [“Batok kohok wadah huut,” dilisankeunna teh jadi “batok kook wadah uut”]. Jadi weh Legok Hoe teh disebut Legok Oe (Owe), nu terus kaucapkeun jadi “Owew.”

Kitu, wallahu a’lam.

Tah ari TEGAL CAWET, nu ayana arah ti Cikebo (eta nu ayeuna sok dipake objek rekreasi alam sisi jalan gede Maja-Talaga, bari meuleuman jagong, nyawang endahna sawah, pasir jeung gunung Ciremay) ka Cengal, naha enya aran aslina teh Tegal Cawet? Eta kecap cawet datalungtik teh, sugan aya harti sejen, weleh teu kapanggih. Tetep wae hartina teh cawet (celana dalam).

Sugan tina kecap “sawed“? Sawed teh tali kadali munding mun keur ngawuluku (magawe ceuk urang kulonan mah, nyambut ceuk basa Maja mah). Nu matak aya ngaran wanci (waktu) “wanci pesat sawed,” waktuna tukang ngawuluku (nyambut) biasa ngudaran sawed tina munding, jam sapuluhan, sabab geus panas, munding teu tahan panas.

Kecap sawed teh ku urang Jawa teu pati kahartieun, leuwih kaharti cawet. Jadi weh Tegal Sawed teh rubah jadi Tegal Cawet. Naha make mamawa urang Jawa? Enya pan loba urang Jawa di Maja. Ngaran tempat teh sok kacampuran istilah Jawa, atawa “dijawakeun.” Contona eta Cikebo. Da munding sundana kebo teh, kebo jawana munding mah. Eta tempat teh kuduna disebut Cimunding (kawas Leuwi Munding di Rajagaluh). Meureun didinya biasana para munding ditempatkeun (dikandangan). Sawedna disimpenna di tegalan nu disebut Tegal Sawed (Cawet) tea.

Kamungkinan lianna, eta teh asalna tina Tegal Cau. Tegal Cau teh ngaran Sunan turunan Raja Talaga Sunan Tegalcau), jiga kasebut na ieu cutatan di handap (ti sababaraha sumber). Disebut Sunan Tegalcau teh, tangtu ku sabab ngaran wewengkonna disebut Tegalcau, kawas Sunan Cengal nu marentah di Cengal, jeung Sunan Jerokaso nu marentah di Jerokaso, Maja. Aran sejenna teh pan Galumpit. Can kakoreh asalna tina naon, pasti tina Te-GAL … UMPIT (Naon?–Umpi? s-Umpit?–Tegal Sumpit?).Tina Tegal CAU, da basa Sunda deui wae, gedang ceuk Jawa mah, urang Jawa ngalisankeunana teh jadi Tegal CAUW…Lila-lia jadi Tegal CAUWET, Tegal CAWET).

Hehe. Jadi, ulah disebut Tegal Cawet atuh lah, jiga nu didinya teh tara marake sarung, marake cawet wae. Mending ge Tegal Cau. Moal enya kabeh disebut Tegalsari. Eta mah aran kaayeunakeun. Eraeun urang Tegalsari disebut urang Tegalcawet, hehehe…. (Orang yang suka mengibarkan cawet). Jiga urang Lentuk eraeun boga ngaran desa bet Lentuk, ganti jadi Karangsari, inget ka “belentuk ngapung” ronggeng.. Padahal belentuk teh bangkong leutik (bancet) nu sorana harus, bari ngabelentukkeun beuteungna. Karang teh tegal-tegal keneh wae, apan.

Tah, ieu cutatan ngeunaan Sunan Tegal Cau teh.

Raden Dewi Simbarkancana

Raden Dewi Simbarkancana walaupun seorang puteri beliau banyak memiliki sifat-sifat kepemimpinan yang diwarisi ayahanda beliau, Prabu Talagamanggung. Beliau menikah dengan Palembanggunung, Pepatih kerajaan. Pada mulanya Dewi Simbarkancana tidak mengetahui bahwa kematian ayahanda beliau itu didalangi suaminya sendiri, akan tetapi sabuni-bunina mungkus tarasi lambat laun kebusukan sang suami diketahui juga oleh beliau.

Sepeninggal Prabu Talagamanggung, Kerajaan Talaga untuk sementara waktu dikuasai oleh Palembanggunung. Dewi Simbarkancana merasa sangat terpukul, beliau ceurik balilihan (menangis dengan sangat menderita batin) karena dua hal: pertama, karena beliau dihianati oleh suami beliau sendiri; yang kedua, karena ditinggal oleh ayahanda tercinta dengan peristiwa yang memilukan. Menurut beliau, siapa orangnya yang tidak berduka hati ketika ditinggal sang ayah. Ayahanda beliau, sesorang yang sudah berbuat baik mengangkat derajat Palembanggunung dibalas dengan perilaku yang sangat keji. Air susu dibalas air tuba itulah yang terjadi. Akhirnya dengan keberanian beliau, Dewi Simbarkancana berhasil membunuh Palembanggunung dengan susuk kondenya.

Selanjutnya Raden Dewi Simbarkancana menikah dengan Raden Kusumalaya (Raden Palinggih) dari keraton Galuh, putera dari Prabu Ningrat Kancana. Beliau adalah seorang yang masagi pangarti (cakap lahir batin), seorang tabib dan ahli strategi. Beliau berhasil menumpas tuntas gerakan bawah tanah Palembanggunung dan komplotannya, dengan demikian kekuasaan dapat diambil kembali, keamanan dan ketertiban negara kembali menjadi stabil dan kokoh.

Dari pernikahan Dewi Simbarkancana dengan Raden Kusumalaya membuahkan delapan orang putera, yaitu:

1. Sunan Parung (Batara Sukawayana);

2. Sunan Cihaur, (Mangkurat Mangkureja);

3. Sunan Gunung Bungbulang;

4. Sunan Cengal (Kerok Batok); Petilasannya masih terdapat di Desa Cengal, kira-kira 1 km Kampung Cadas, Desa Anggrawati, Kecamatan Maja, Majalengka.

5. Sunan Jero Kaso;

6. Sunan Kuntul Putih;

7. Sunan Ciburang; dan

8. Sunan Tegalcau. Petilasannya terdapat di Blok Galumpit (Tegal Cawet) Desa Tegalsari-Maja.

Cag.

Talungtikeun sarerea urang Maja-Argapura. Arga teh gunung, pura teh kota. Kota di gunung (tapi masih desa keneh, lin, hehehe….).

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s