KASTURI SI CASTOR JARAK PAGER

KASTURI TALAGA

Tatang M. Amirin, Edisi 11 Agustus 2013

Keur budak ngaran desa Kasturi teh sok sering disebut-sebut ku kolot. Bari teu nyaho-nyaho acan palebah mana eta desa teh ayana. Na pikiran, tepi ka kolot, nu kacipta teh minyak wangi wae mun kasebut-sebut kasturi teh. Enya nu seungit tea. Apan saur Kanjeng Nabi saw bau baham anu puasa teh leuwih seungit batan bau kasturi.

Sababaraha poe ka tukang, ku sabab rek aya tugas ka Barito Kuala, Kalimantan Kidul, panasaran mukaan internet ngeunaan naon wae anu khas daerah Kalkid alias Kalsel. Aya anu rada beda, nyaeta kasturi ngaran salah sahiji bungbuahan nu ujudna teh persis siga nu ku urang Sunda sok disebut buah, enya buah mangga tea. Buah eta teh leutik pisan, amis, jeung seungit. Sakumaha keutikna, tah na gambar dibandingkaeun jeung flesdisk.

Kasturi teh lain ukur buah wae, singhoreng. Aya deui jeruk kasturi. Urang Malaysia mah nyebutna teh limau kasturi. Can kapanggih naon sababna disebut jeruk kasturi, sugan pedah ukuranana nu leutik. Sok dipake hiasan taun baru Cina eta jeruk teh. Malah asal-usulna ge ti Cina, biasa disebut Cui. Di Sulawesi Kaler disebut Lemon Cui. “Bentuk jeruk bulat kecil spt jeruk nipis, namun dia bisa dikupas spt jeruk pontianak karena kulitnya yang tipis tidak setebal jeruk nipis. Rasanya asam menyegarkan dan baunya harum. Oleh karena itu sering digunakan sbg bahan masakan untuk menghilangkan bau amis pada ikan (sementara di Jawa lebih sering menggunakan jeruk nipis).”

Jeruk kasturi pon kitu deui buah (mangga) kasturi teu populer di Sunda (Jawa). Jadi ngaran desa Kasturi pasti lain tina buah atawa jeruk. Panasaran mukaan deui internet, kapanggih tah ngaran “castor”. Jadi, kasturi teh tina kecap castor tea. Nu dikenal pisan teh buahna, castor bean. Urang Sunda mah nyebutna teh buah jarak. Jadi castor atawa kasturi teh tangkal jarak, jarak pager tea. Basa Latinna Ricinnus Communis.

 

https://i2.wp.com/upload.wikimedia.org/wikipedia/commons/thumb/2/23/Castor_oil_plant_seeds.jpg/320px-Castor_oil_plant_seeds.jpg

Jadi, kacindekanana, desa (wilayah) Kasturi teh disebut kitu ku sabab di dinya loba tangkal castor kasturi jarak pager. Jarak kasturi  teh buahna ngandung racun, mun dosisna gede. Tapi, Gusti Allah sering nyipta papasangan, ekstrak daunna bisa ngobatan hate karacunan. “An alcoholic extract of the leaf was shown, in lab rats, to protect the liver from damage from certain poisons. ” (Wikipedia). Sikina, ti jaman baheula geus dikenal ku bangsa urang, bisa dijadikeun minyak, minyak jarak (castor oil). Hoyong terang langkung seueur? Mangga buka internet.

Tah di Kasturi mah atuh tapel wates  desa teh saena dipageran ku castor plant  (tangkal jarak). Mun rek nyieun tugu, atuh nya tugu castor si jarak kasturi.

2 thoughts on “KASTURI SI CASTOR JARAK PAGER

  1. Aduh sae pisan artikelna kang,, kang punten ari Asal lembur abdi Cikeusal naon ? Punten nya tumaros hehe

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s